Қарағандының Осакаров ауданында жантүршігерлік қылмыс орын алды. Ауылдағы үйлердің бірінен 45 жастағы еркектің мәйіті табылған. Облыстық криминалды полиция бөлімінің қызметкерлері аса ауыр қылмыс жасаған әйел адамды құрықтады, деп xабарлайды Baq.kz.
28 тамыз күні Осакаров ауданының елді мекендерінің бірінде өз үйінен 45 жастағы еркектің жансыз денесі табылған. Оның зорлықпен өлгені белгілі болды. Криминалды полиция бөлімінің қызметкерлері жүргізген жедел-іздестіру шараларының нәтижесінде көп ұзамай күдікке ілінген ауыл тұрғынын құрықталды. Қылмыстық құқық бұзушылық жасады деп айыпталған әйел 1979 жылы туылған. Ол қайтыс болған ер адаммен арадағы болған ұрыс кезінде зардап шегушіге дене жарақатын салғанын мойындаған.
«Аталған фактіге байланысты Қазақстан Республикасының Қылмыстық Кодексінің 106-бабы, 3-тармағына сай, яғни «абайсызда зардап шегушінің өліміне соқтырған, денсаулыққа қасақана ауыр залал келтіру» бабы бойыншы іс қозғалып, сотқа дейінгі тергеу басталды», – дейді Қарағанды облыстық Ішкі істер департаментінің баспасөз xатшысы Бақытжан Құдияров.