Словакиялық инженерлер тарихтағы ең алғашқы ұшатын көліктің бағасын жария етті, деп жазады VistaNews.
AeroMobil 3.0 деп аталатын ұшатын автокөлік 200 мың евроға сатылмақ. Сондай-ақ, инженерлер словакиялық аэромобильдің кейбір техникалық тұстарын жария етті. Алғашқы ұшатын көліктерге көлемі үш литрлі, 160 аттық қуаты бар Rotax 192 қозғалтқышы орнатылады екен.
AeroMobil 3.0 кәдімгі бензинмен жүреді, толық бакпен 700 шақырым жерге бара алады. Әуеде ұшқан кезде 100 шақырымға 15 литр бензин жағады екен.
Бұл көліктің руліне отыру үшін жүргізуші куәлігі қажет пе, әлде пилот куәлігі керек пе – ол мәселе әлі нақты шешімін таппай отыр.