Канаданың Премьер-министрі Джастин Трюдоның үш жасар ұлын журналистер “Ұлттың мақтанышы” деп атап жатыр.
Өйткені ол әке-шешесімен Гамбургте өткен «Үлкен жиырмалық» саммитіне бірге барып, үлкен жұлдызға айналды, деп жазады People. Иә, Канада басшысы әлем көшбасшылары жиналған отырысқа өзінің үш жасар ұлы мен жұбайы Софи Грегуар-Трюдоны бірге ала келген.
Әдетте әлем көшбасшылары бала-шағасын жұрт көзінен тасада ұстап, БАҚ-қа көп мәлімет бермеуге тырысады. Сондықтан канадалық премьердің бұл әрекетін әлемдік БАҚ өкілдері өте жоғары бағалап, отбасылық құндылықты ұстанатын саясаткерді баршаға үлгі етті.
Айта кетелік, Джастин Трюдо сән әлемінің аруы Софи Грегуарға 2005 жылы үйленген. Жұп үш баланы тәрбиелеуде: 9 жастағы Ксавье, 8 жастағы Элла-Грейс және 3 жасар Адриана.
https://www.youtube.com/watch?v=O9pGZkJOeoQ