Кәрім Мәсімов ауылшаруашылығын дамытуға қатысты кеңес өткізді
ҚР Премьер-министрі Кәрім Мәсімов ауыл шаруашылығын дамытуға қатысты кеңес өткізді.
Бұл туралы үкімет басшысы Twitter-дегі аккаунтында хабарлады.
«Ауыл шаруашылығын дамыту мәселелеріне қатысты кеңес өткіздім», – деп жазды премьер-министр.
Кеңес барысында экономикалық өсімді қамтамасыз ету, атап айтқанда, инвестициялық субсидиялау, мал шаруашылығын субсидиялау, несие/лизинг бойынша сыйақы мөлшерлемесін субсидиялау, су инфрақұрылымын дамыту, апатты су қоймаларын қалпына келтіру, гидротехникалық құрылымдарды қайта жөндеу мақсатында ауылшаруашылығы өнеркәсіп кешендерін дамыту мәселелері қаралды.
Сондай-ақ, «ҚазАгро» холдингінің сүт қабылдау бекеттері желісін құру және отбасылық сүт фермаларына, отбасылық мал бордақылау алаңдарына қолдау көрсету және әлеуметтік-кәсіпкерлік корпорация ұйымдастыру, сервистік-дайындау орталығын қалыптастыруды қолдау және жеке қосалқы шаруашылықты қаржыландыру, сондай-ақ қолданыстағы инвестициялық жобаларды қаржыландыру бағыттары бойынша жобалары қаралды.
Серіктестер жаңалықтары
© «365 Info», 2014–2023 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз