Күлікбаев діни ұстанымына қарай сот үкіміне шағымданудан бас тартты
Руслан Күлікбаев діни ұстанымына қарай өзіне кесілген өлім жазасын қайта қарауды сұрамайтын болды.
Бүгін Алматыдағы терактіні ұйымдастырып, 10 кісіні өлтірді деп айыпталған басты тұлға – Руслан Күлікбаевқа сот өлім жазасын кескен болатын. Сондай-ақ бұл үкімнің қайта қарауға жатпайтындығы да мәлімделген. Өз кезегінде Руслан Күлікбаевтың адвокаты Ғабит Құсайынов оның бұл үкімді қайта қарауды сұраудан өзі де бас тартқанын мәлімдеді деп хабарлады Sputniknews.kz.
„Ол аппеляциялық шағымнан бас тартты, өйткені ол дәстүрлі емес сәләфи ағымын ұстанады„ деп атап өтті Күлікбаевтың адвокаты.
Сотта Күлікбаев өз кінәсін мойындап, бірнеше полиция мен қарапайым адамдарды өлтіргенін растады.
2016 жылдың 12-қазанында 61 томнан тұратын қылмыстық іс сотқа жолданды. Руслан Күлікбаевқа 8 құқық қорғау және арнайы орган қызметкерлерін және 2 бейбіт тұрғынды өлтірді, террорлық акт жасады деген айып тағылды. Сонымен қатар, ол 3 бейібіт тұрғынды өлтірмек болды деп айыпталды.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе