Күйеубала болғысы келетін шетелдіктерге талап қатаңдатылды
Саудиялық қызға үйленгісі келетін шетелдік азаматтар үшін қойылатын талап-міндеттерді ел билігі тағы да қатаңдата түсті деп хабарлайды Muslim.kz.
Бұл елге күйеубала болғысы келген басқа ел азаматтары енді есірткіге қарсы сынақ тапсырулары қажет. Ел билігі осы талаптары арқылы қыздарын шариғат талаптарын бұзған және қоғамға қауіпті азаматтардан сақтап қаламыз дейді.
Осыған орай, Денсаулық министрлігі елдегі барлық медициналық ұйымдарды өзге ел азаматтарын неке қиярдан бұрын тексеруден өткізуге міндеттеді.
Бұған қоса, королдік аумағында осы мәселеге қатысты басқа да ережелер қарастырылған.
Мысалға, шетелдік азаматқа күйеуге шығатын қыздардың жасы 30 бен 35 жас аралығында болуы тиіс. Ал, өзге елден қалыңдық тапқан еркектің жасы 40 пен 65 арасында болуы керек.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе