“Иттей қылып, түбіне жетіпті”. Ардагер полицей полиция бөлімшесінде көз жұмды

Ақтөбе облыстық ішкі департаменті Ақтөбедегі полиция бөлімшесінде көз жұмған ардагер полицейдің дерегі бойынша қызметтік тергеу жұмысын бастап кетті.

Бұл туралы облыстық ішкі істер департаментінің баспасөз қызметі хабарлады.

Баспасөз қызметінің мәліметінше, Михаил Тарасов Бөгенбай батыр көшесіндегі үй ауласында орын алған көлік апаты дерегі бойынша түсініктеме беру үшін Ақтөбе қалалық ішкі істер басқармасының жол-патрульдік қызмет батальонының іздеу тобы кабинетіне шақырылған.

“Әкімшілік істің деректеріне сәйкес, Тарасов Деу Нексия автокөлігін қағып кеткен соң, көлік апаты болған жерден кетіп қалған. Іздеу тобының қызметкері шақыру себебін түсіндіріп, әкімшілік іс деректерімен таныстырды”, — делінген хабарламада.