АҚШ Мемлекеттік хатшысы Рекс Тиллерсон “Ислам мемлекеті” экстремистік тобының көзін жою – Ақ үйдің жаңа әкімшілігінің Таяу Шығыстағы басты мақсаты деп мәлімдеді. Бұл туралы ол Вашингтонда террорға қарсы коалицияға мүше елдердің министрлерімен кездесуінде айтты.
Америкалық дипломатия басшысының пікірінше, НАТО-ға мүше елдер терроризммен күреске бар күшін салуы керек. Атап айтқанда, ол одақтастарын қорғаныс шығынын көбейтуге шақырды.