Ішкі істер министрлігі «Пробация институтын жетілдіру» пилоттық жобасын іске қосты

Министр Қалмұханбет Қасымовтың тапсырмасымен құрылған ведомствоаралық жұмыс тобы халықаралық сарапшы Джон Скоттың (бұрын Ұлыбританияның пробация қызметін және еуропалық пробация қызметтерінің конфередациясын басқарған), сондай-ақ ұлттық сарапшылардың қатысуымен ағымдағы жылғы мамыр-тамыз айларында қылмыстық атқару жүйесі пробация қызметкерлерінің қызметтік жүктемелеріне және олардың басқа да субъектілермен өзара іс-қимыл жасасу процессіне хронометраж, талдау және бағалау жүргізді.

Сарапшылармен құқықтық және ұйымдастырушылық мәселелер зерттелінді, құқық бұзушының қауіп-қатерін бағалау жүйесін қолдану және сотқа дейінгі баяндаманы дайындау бойынша пилот жүргізіліп жатқан өңірлердің (Астана қаласы Сарыарқа ауданының, Павлодар облысының Баянауыл ауданының және Қарағанды облысы Теміртау қаласының пробация қызметтері) пробация қызметкерлерімен тренингтер жүргізілді.

Жұмыс тобының пилоттық жобаны аяқтау қорытындысы бойынша Қазақстанда пробация институтын одан әрі жетілдіру бойынша ұсыныстар жасалынды.
Мәселен, пробация қызметі есепте тұрған адамдарды бақылауды күшейту немесе азайту қажеттілігін анықтау үшін, оның құқық бұзушылық қауіп-қатерін бағалау құралын еліміз бойынша енгізуді ұсынды.

Сарапшылар тобы сотқа дейінгі сатыда әлеуметтік-құқықтық көмек ұсыну механизмін қарастыруды ұсынып, атап айтқанда пробация қызметі соттың қылмыстық жазаның альтернативті шарасын тағайындағаннан кейін аталған көмекті сотқа дейінгі баяндама негізінде ұсынуды айтты.