Нұр-Сұлтан
Қазір
2
Ертең
1
USD
450
-0.49
EUR
487
-1.57
RUB
4.86
0.00

Исекешов Астананың тас-талқаны шыққан жолдарын жаппай жөндеу үшін қанша керек екенін айтты

Бұл туралы КТК арнасы хабарлайды.

Қала әкімі Әсет Исекешевтің айтуынша, Астанада жаңадан салынатын немесе қайта жөндеуді қажет ететін 91 көше бар екен.

Ақмола Астана атанғалы бұл маңайға асфальт түспегенін осы көрінісі айғақтап тұр. Қала әкімі Әсет Исекешев оның бәрін мердігерлерден көреді.

“Мердігерлер сапасыз битум қолданып, жұмысын нашар істейді. Жолдың салыну технологиясы да дұрыс сақталмайды. Мәселен, асфальт төсеген кезде кем дегенде үш күн +15 градус болуы керек. Ал біздегі ауа райы оған мұрша бермейді”,-дейді Астана қаласының әкімі Әсет Исекешев.

Ал әкімнің өзі жүретін қаланың ішінде ойлы-қырлы жол табу қиын. Өйткені, өңкей шенді-шекпенділердің алдында бір масаттануға бұл да таптырмас амал. Тақтайдай тегіс асфальтты тек қаланың орталық көшелеріне сала беріпті. Бірақ, Елорданың шетінде мынадай көшелер болмау керектігін әкім жақсы түсінеді.

“Біздің міндетіміз, осы екі жылда қаланың айналасын түгел асфальттап шығуымыз керек. Қазір арнайы зертхана аштық. Ол жолдың сапасын тексеретін болады. Сөйтіп, шетелдік мамандардың көмегімен осы жұмыстарды атқарайын деп отырмыз”,- дейді Астана әкімі.

Әкімнің айтуынша, Астананың жолдарын қалыпқа келтіру үшін триллион теңге керек. Ал әлгі жаңадан салынатын немесе жөнделетін 91 көшенің 70-тен астамы осы шеткері аумақтарда екен. Ол жақтарға жолды сапалы салу үшін шетелден арнайы маман алдырайын деп отыр.

 

Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз