Тбилисиде қазанның 24-27 аралығында өткен «Fiestalonia Georgia» фестивалінде Қазақстан атынан өнер көрсеткен Набияр Алтаев І-орынды және алтын дипломды жеңіп алды.
Бұл сыйлық оған «Инструменталды музыка» аталымы бойынша ересектер арасында өткен сында үздік деп танылғаны үшін берілді, деп хабарлайды lada.kz.
Набияр Алтаев «Шабыт» Қазақ ұлттық өнер институтының түлегі. Ол өткен жылы Испанияда өткен «Open Spain» байқауында ІІІ-орынды жеңіп алды.
Астраханьда өткен «Алтын дала дауыстары» халықаралық конкурсында ІІ-дәрежелі лауреат атанды. Бұл байқауға Грузия, Ресей, Өзбекстан, Украина, Испания, Израиль, Қазақстан, Үндістан, Армения, Әзербайжан сияқты мемлекеттерден 400-ден астам орындаушылар мен топтар қатысқан болатын.