Головкиннің бапкері басқа боксшымен жұмыс істей бастады
Геннадий Головкиннің бапкері Абель Санчес британдық аса ауыр салмақтағы спортшы Джо Джойспен (5-0, 5 КО) бірге жұмыс істей бастады, деп хабарлайды Sports.kz-ке сілтеме жасаған ҚазАқпарат. Абель Санчестің айтуынша, Джо Джойс тәжірибесі мол, физикалық дайындығы жақсы спортшы, бірлескен жұмыс оны жаңа белестерге көтереді екен.
«Мен бүгін олармен [боксшы мен оның менеджерімен] кездесемін. Мен «үйленердің алдында» боксшымен шамалы жұмыс істегенді қалаймын. Мен оған, ол маған ұнайтынына көз жеткізуім керек. Егер ол еңбек әдебін сақтайтын жақсы адам болса, неге онымен жаттықпасқа?
Оның жасы 32-де, тәжірибесі мол. Егер біз жұмыс істеуді бастасақ, барлығын жасаймыз. Мен онымен жұмыс істейтін мүмкіндікті асыға күтудемін. Ол мұнда үш-төрт аптаға келді, көреміз…
Бұл жігіттің физикалық дайындығы жақсы. Биг Беар мұнда барлығынан алыста, шағын зал және онымен істейтін адамдар ғана бар. Джо бізге сәйкес келеді. Сондай-ақ, ол аса ауыр салмақта жұдырықтасады, Мурат Гассиев екеуі бір-біріне көмектеседі», – деді Санчес.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе