“Германия Еуропа чемпионатының жартылай финалына шығады” деп бәс тіккен алматылық ұтты

Іс матч соңындағы пенальтиге тірелді, онда Германия ойыншылары 6 доп соқты: пенальтидегі есеп – 6:5.

7-шілдеде Марсельде «Велодром» стадионында өтетін жартылай финалдық ойында неміс құрамасының қарсыласы ширек финалдың тағы бір жеңімпазы – Франция мен Исландия командалары арасындағы жеңімпаз болмақ.

Алматы қаласының тұрғыны 26 маусым күні «Олимп» букмекерлік кеңсесіне “Әлем чемпионы – Германия құрамасы жартылай финалға шығады” деп 13,5 миллион теңге бәс тікккен еді. Тиісінше букмекерлік кеңсе бұл бәске 1,8 коэффицент берген.

Егер Йоахим Лев шәкірттері Италия құрамасын жеңетін болса, онда Алматы тұрғыны 24,3 миллион теңгеге кеңелуі керек болған. Таза пайдасы – 10, 8 миллион теңге болмақ деген едік. Бәсте айтылғандай, Германия Еуропа Лигасының жартылай финалына шықты. Демек, Алматы тұрғынының да ұпайы түгел.