Чили университетіне қарасты клиникалық госпиталінің дәрігерлер бригадасына қатысты тексеріс басталды, – деп хабарлайды РИА Новости.
Дәрігерлер ота жасап жатқан кезде Конфедерация кубогы аясындағы Чили мен Португалия құрамаларының матчын қараған деген күдікке ілінген.
“Осы жағдайға байланысты барлық әкімшілік шара қабылданды, алдын ала тергеу басталды”, – деп хабарлады госпиталь өкілдері.
https://youtu.be/d4kTAZTeUuM
Ал мұның алдында медперсоналдың ота кезінде пенальтилер сериясын қара, Чили құрамасының жеңісін тойлағаны көрсетілген видео тараған болатын. Аурухана басшылығы дәрігерлердің бұл әрекетін сөгіп, теледидардың ота кезінде қосулы болғанына таңданыс білдірген. Абырой болғанда, ота сәтті жасалып, науқастың жағдайы жақсарған.