Францияның мәнерлеп сырғанау федерациясы қазақстандық әріптестерін ресми түрде мәнерлеп сырғанаудан Гран-при турдың алтыншы кезеңі Денис Тенді еске алуға арналғандығын мәлімдеді.
Бұл туралы Қазақстанның Коньки тебушілер ұлттық федерациясының ресми сайтына сілтеме жасап, Tengrinews.kz хабарлады.
“FFSG Атқарушы Кеңесі (француз федерациясы) жарыстың бір күнін қаныпезердің қолынан мерт болған атақты мәнерлеп сырғанаушысы Денис Тенге арнауды жоспарлап отыр.
Денис Францияда жиі болатын, мысалы өткен жылы өнерімен ерекше көзге түсіп, біздің елде өте танымал болды. Көрермендер оны мейірімділігі мен ашықтығы үшін жақсы көретін”,
– делінген FFSG-дың ҚР Коньки тебушлер ұлттық федерациясының жіберген ресми хатында.
Гран-при туры 22-25 қарашада Гренобльде өтеді.
“Мұндай уақытта біз сіздердің және Денистің отбасының қайғысына ортақпыз. Жарысты Денистің құрметіне арнағымыз келеді, себебі оны француз мәнерлеп сырғанаушылар қауымы ешқашан ұмытпайтынын еске салғымыз келеді”, – делінген FFSG хабарламасында.
Денис Тен – қазақстандық мәнерлеп сырғанаушы, Қазақстан Республикасының халықаралық дәрежедегі спорт шебері. 2014 жылы мәнерлеп сырғанаудан Сочи олимпиадасының қола жүлдегері, 2013 жылғы әлем чемпионатының күміс медаль жүлдегері, 2011 жылға Азия ойындарында мәнерлеп сырғанаудан чемпион, Қазақстанның үш дүркін чемпионы. Сонымен бірге Тен 2015 жылғы төрт континенттің (АҚШ,Канада, Қытай, Жапония, Корея) және 2017 жылғы Универсиада чемпионы.
Ол ISU эгидасымен өткен халықаралық турнирлердің бірнеше дүркін жеңімпазы, Гран-при жүлдегері. Үш Олимпиадаға қатысқан. 2010 жылы алғаш рет Қазақстанды Ванкувердегі (Канада) Олимпиада ойындарында таныстырды, онда ерлер арасында ең жас қатысушысы болды (16 жаста). 2013 жылдан бастап Денис “Денис Тен және достары” мұз айдыны шоуын өткізеді, ол жобаның авторы және продюссері саналады. 2018 жылдың 9 маусымында өткен мұз айдыны шоуы елорданың 20 жылдығына арналған.
https://kaz.365info.kz/bizdin-andi-oryndagan-zhigit-khoj-frantsiyada-denis-ten-dimashtyn-anine-bilep-shykhty-video-284851
Франциядағы өнері