“Еуразиялық одаққа неге кірдік?”. Қырғыздар Үкіметін отставкаға жібергелі жатыр
Жогорку Кеңеште үкіметті отставкаға жіберу үшін қол жинау басталды. Бұл жөнінде үкіметтің елдің Еуразиялық экономикалық одаққа (ЕАЭО) кіруінің нәтижесі жөнінде парламентте баяндама жасағаннан кейін белгілі болған. Есепті тыңдаған депутаттар премьер-министр Сооронбай Жээнбековті қатты сынға алды.
Депутаттар үкімет өздеріне жүктелген міндетті орындай алмай отыр деп сынға алған. Тіптен парламентте премьер-министр орынтағына кімнің отыру керектігі де айтылған.
Парламенттегі «Республика – Ата-Жұрт» фракциясының лидері Өмірбек Бабанов та үкіметтің алдағы тағдырын шешу үшін арнайы отырыс өткізетіндіктерін мәлімдеді. «Қырғызстан ЕАЭО-ға кіргеннен кейін мемлекеттермен тауыр алмасу 19 пайызға азайған, экспорт 9 пайызға төмендеген. Үкімет ешқандай шара қолданбай отыр», – деді ол.
«Онугуу-Прогресс» фракциясының лидері Бакыт Торобаев үкімет елді қазіргі дағдарыстан алып шыға алмайды деп Жээнбеков өз еркімен отставкаға кету керек деді.
Үкімет басшысы Сооронбай Жээнбеков болса елдің ЕАЭО-ға кірудің ұтымды жағын көтеріп, бәрі өз уақытында шешіледі деді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе