“Есін жиды”. Дәрігерлер Шығыс айналма жолында көлік қағып кеткен баланың жағдайы жайлы айтты
Алматыдағы Шығыс айналма жолында көлік қағып кеткен 5 жасар бала есін жиды.
Бұл туралы Алматы қалалық Денсаулық сақтау басқармасының өкілдері хабарлады.
“Жағдайы тұрақты ауыр, бірақ жақсарып жатыр. Ертең нейрохирургия бөліміне ауыстыруға дайындап жатырмыз. Толықтай есін жиды, сұрақтарға дұрыс жауап беріп жатыр”, – деп хабарлады ведомство өкілдері.
Әлеуметтік желіде тараған мәліметке сәйкес, “баланы көрпеге орап, Брянская көшесіндегі ағаштың түбінде тастап кеткен”. Алайда жол апаты болған жер бала табылған жерден алысырақ болған. Дәрігерлердің айтуынша, бала үшінші деңгейлі кома және төртінші деңгейлі травматикалық шок алған жағдайында балаларға шұғыл жәрдем көрсету орталығына түскен. Оған жедел ота жасалған. Ал кейінірек оқиғаның видеосы жарияланған еді.
https://kaz.365info.kz/almatyda-bes-zhasar-balany-khagyp-tal-tybine-tastap-ketken-324151
Дерек көз: Tengrinews.kz.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе