Баян Есентаеваның кіші қызы Айару Бақытбек өзінің инстаграм желісіндегі парақшасынан әкесімен бірге түскен барлық суретін өшіріп тастады.
Бұл туралы Stan.kz хабарлайды.
Маусымның 10-ы күні продюсердің басында болған оқиға барша Қазақстан жұртын алаңдатты. Көп адам ауыр жарақаттан кейін Баян Есентаеваның жаны аман қалмайды деп қорыққан-ды. Десе де, ол небәрі он күн ішінде үйіне шығарылып, алғашқы жазбасымен бөлісті.
Психолог маманның көмегінен бас тартып, жылдам қалпына келгендігін байқатты. Алайда оның кіші қызы әлі күнге дейін қиналып жүрсе керек. Ол өзінің әлеуметтік желідегі парақшаларынан әкесімен бірге түскен суреттерін өшіріп тастаған.
Мұның себебін жұрт сұрамаса да, Бағым Мұхиденова Айарудың болған қайғылы оқиғаны қабылдай алмай жүргенін ашып айтты. Ал Айсәуле керісінше күлімсіреп түскен суреттерін жиі бөлісіп, барынша анасына қолдау көрсетуде.