Ертең «Ел арна» каналы іске қосылады
Отандық кино әуесқойларына сый. 27 наурыз күні, яғни алдағы дүйсенбіде кешкі сағат алтыда «Ел арна» каналы іске қосылады.
Ең бірінші болып «Ән аға» және «Дорога домой» атты туындылар көрерменге жол тартады. «Хабар» агенттігіне кіретін арнада тек қана Қазақстанда шығарылған көркем фильмдер, деректі кино мен сериалдар көрсетіледі. Мұнда мемлекеттік тілдегі туындылардың үлесі 50%-дан кем болмайды. Олар эфирге 6 сағаттық қайталаумен шығады. Арна басшылығы «Қазақфильм» акционерлік қоғамымен келіссөздер жүргізіп, бірқатар тамаша туындылар көрсетілімі бойынша шарт жасасты.
“Біз жастарды кино әлеміне баулитын мектептермен, түрлі кинофестивальдердің әкімшілігімен қоян-қолтық жұмыс істейміз. Ұсынылған туындылардың арасында іріктеу өткіземіз. Қысқа метражды және арт-хаус стиліндегі фильмдерді де эфирге шығарамыз. Біздің ойымызша, мұндай ауқымды жоба жас режиссерлердің санын арттырып, кино индустриясының дамуына серпін береді”, – дейді «Ел арна» арнасының шеф-редакторы Камила Қамназарова.
Дереккөз:stan.kz
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе