Енесінен сөз естіп, күйеуінен таяқ жеген келіншек суға батып өлді

Полиция мәліметіне сүйенсек, 3 қараша күні Қара су ауданындағы бөлімшеге марқұмның анасы келіп, қызының жоғалғанын айтып арызданады.

Оны іздеу жұмыстары кезінде 1997 жылғы келіншектің денесі Кожоабад каналының жағасынан табылыпты.

Алдын ала мәлімет бойынша, келіншек жоғалмас бұрын көршілері оның үйінен айқау-шудың дауысын естіген. Енесі келініне қантты төгіп алғаны үшін ұрысқан көрінеді. Ал күйеуі оны оқтаумен сабап тастапты.

Жарынан таяқ жеген әйел көршілерінен қарызға 20 сом сұрайды да екі баласын үйінде қалдырып, өзі белгісіз бағытта кетіп қалады.

21 жастағы әйелдің туыстары қайын жұрты өзіне қол салуға итермеледі деп санайды.

“Себебі ол қарапайым, мінезі салмақты қыз болатын”, – дейді әпкесі Роза Юсубалиева.

Алайда енесі келінімнің көңіліне келетін ешнәрсе айтпадым деп ақталады. Бар болғаны өз ақылын айтып, күйеуінен таяқ жеп жатқан сәтте арасына түскенін айтуда.

Айта кетейік, келіншектің артында ұлы мен қызы жетім қалды.