Еңбек және халықты әлеуметтік қорғау министрлігі зейнетке шығу жасының өзгеруі туралы ақпаратқа түсініктеме берді.
Ведомство ерлер үшін зейнеткерлік жас 63 жаста, әйелдер үшін қазіргі уақытта – 59,5 жаста басталатынын еске салды. Сондай-ақ, ҚР азаматтары Бірыңғай жинақтаушы зейнетақы қорында (БЖЗҚ) зейнетақы жинақтары жеткілікті болған кезде зейнетақы аннуитетіне — зейнеткерлік жасқа толғанға дейін зейнеткерлікке шығу құқығын пайдалана алады.
Зейнетақы аннуитеті 55 жастағы ер адамдар үшін, ал әйелдер үшін 51,5 жас белгіленген. Зиянды еңбек жағдайларында жұмыс істейтін азаматтар 50 жастан бастап зейнетақы аннуитетін пайдалана алады.
Бұл ретте, заңда әйелдердің зейнеткерлік жасын 10 жыл ішінде — 2018 жылдан бастап 2027 жылға дейін — жыл сайын 6 айға дейін арттыру көзделген.