Астана қаласын абаттандырып, көгалдандыру баршаға ортақ игі іс. Бұл күндері еліміздің түкпір-түкпірінде жалпықалалық сенбілік өтіп жатыр.
«Таза қала үшін» деп ұрандатқан елордалықтар да бір кісідей саябақтар мен аулаларды тазартып, көше бойына көшеттер отырғызып жатыр деп хабарлады “Хабар-24” телеарнасы.
Ресми ақпаратқа сүйенетін болсақ, бүгінгі бұл сенбілікке 100 мыңнан аса адам мен 4,5 мыңға жуық мемлекеттік мекеме тартылады. Өздеріңіз көріп тұрғандай бүгін депутаттар қаламның орынына қолдарына күрек алып жылдағы дәстүрден жаңылмады. Атадан мал қалғанша тал қалсын деген қағидатты ұстанған халық қалаулылары Астананың ажарын аша түсуге ниетті. Басты мақсат та осы.
Бұндай берекелі істен біз шаршамаймыз дейді мәжілісмендер.
Мемлекет басшысы Нұрсұлтан Назарбаев қаланың келешегі мен келбетіне аса мән беру керектігін Астананы дамытуға арналған келелі кеңесте айтқаны белгілі. Осыған орай барша астаналықтар кіршіксіз қалада күн кешу үшін тазалыққа жіті мән бергені жөн.