Еліміздің барлық өңірінде жаңбыр жауады, солтүстікте көктайғақ болады

Бүгін еліміздің барлық аймақтарында ауа-райы тұрақсыз болып, жаңбыр жауып, оңтүстік шығыстағы бірқатар аймақтарда қатты нөсер болады.

Қазгидрометтің хабарлауынша, республикамыздың кей жерлерінде тұман түсіп, жел күшейіп, солтүстікте көктайғақ болады. Солтүстік Қазақстан облысында желдің жылдамдығы секундына 15-20 метрге дейін күшейеді, кей жерлерде желдің екпіні 23 метрге дейін барады, жекелеген аудандарда көктайғақ болады деп күтілуде.