ҚР ІІМ төтенше жағдайлар комитеті республиканың төрт облысында жолдың жабылғандығын хабарлады.
Алматы облысында қатты жел тұрып, қар бұрқасындатып, айнала түтеп, ештеңе көрінбей тұрғандықтан «Үшарал-Достық жолының учаскесі (83-184 км) көліктің барлық түрі бойынша жабылды.
Қарағанды облысында көктайғақтың болуына байланысты Алматы-Екатеринбор» күре жолының учаскесінде (1051-1142 км, Теміртау қаласы – Акмола облысының шекарасы) барлық автокөлік түрлерінің қозғалысы шектелді. 00-20 сағаттан бастап ауа райының нашарлауына байланысты «Қарағанды-Аягөз-Бұғаз» (17-215 км, Қарағанды-Қарқаралы), «Қызылорда – Павлодар» (906-433 км, Топар кенті – Жезқазған»), «Қызылорда-Павлодар» (970-1135 км, Қарағанды – Павлодар облысының шекарасы), «Алматы-Екатеринбор» (1007-641 км, «Қарағанды – Балқаш») қоғамдық және жүк көліктері қозғалысына шектеу қойылды.
Павлодар облысында 01-00-ден бастап ауа райының нашарлауына байланысты «Қызылорда- Павлодар» 1135-1206 км, Шідерті кенті – Қарағанды облысының шекарасы) барлық көлік түрі үшін жол жабылды. 01-15-тен бастап ауа райының нашарлауына орай (бұрқасын) «Астана -Қабанбай батыр кенті» тас жолының учаскесінде қоғамдық және жүк көліктері қозғалысына шектеу енгізілді.