Ұлттық банк басшысы Елбасыға ақша бағамының неге құбылып жатқанын түсіндірді
Елбасы Нұрсұлтан Назарбаев Ұлттық банк төрағасы Данияр Ақышевты қабылдады.
Бұл туралы Ақорданың баспасөз қызметі хабарлады.
Мемлекет басшысына Ұлттық банктің еліміздің қаржы секторын ілгерілету жөніндегі жұмыстарының қорытындысы туралы есеп берілді. Қазақстан Президенті қазір ұлттық валютаның еркін айырбас бағамы саясатының жүргізіліп жатқанын айтып, Ұлттық банктің инфляция өсіміне жол бермеу жөніндегі міндетін ерекше атап өтті.
Сонымен қатар, Елбасыға Данияр Ақышев валюта және қаржы нарығындағы қазіргі ахуал туралы баяндады.
«Жалпы, ахуал тұрақты. Қазір тамыз айының басында ішкі және сыртқы сипаттағы жекелеген факторлар әсерінен болған ауытқулардан кейін айырбас бағамы тұрақтанды. Алаңдауға еш негіз жоқ», – деді Ұлттық банк төрағасы.
Елбасы кездесу соңында бірқатар нақты тапсырмалар берді.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз