Елбасыға полицейлердің жаңа формасы көрсетілді

ҚР ІІМ басшысы Президентке полиция киімінің соңғы нұсқасын көрсетті. Қазақстан құқық қорғау органдары қызметкерлерінің жаңа формасында POLITSIIA деген латынша жазу пайда болыпты.

Одан бөлек көшеде қызмет атқаратын полицейлер енді жыл мезгіліне байланысты түрлі баскиімдер киеді: кепке, тоқылған баскиімдер мен құлақшын. Қазақстандық полицейлердің шевроны да өзгерген. Олар енді ақ және қара түсті болады. Ондағы жазбалар да латынша жазылады.

Еске сала кетейік, кеше Ақордада ішкі істер органдарының қызметін модернизациялау жөнінде кеңес өткен болатын. Президент жиын барысында полицейлердің жалақысын көтеруді тапсырған еді.