Қазақстан Президенті Нұрсұлтан Назарбаев «Бір белдеу, бір жол» форумының көшбасшылары бас қосқан дөңгелек үстелде «Үлкен Еуразия» бірыңғай экономикалық кеңістік идеясы туралы айтып берді.
Бұл туралы ҚазАқпарат хабарлады.
«Бұл – ауқымды нарық, яғни 180 миллион халықты қамтып отыр. Осыған байланысты «Үлкен Еуразия» бірыңғай экономикалық кеңістікті құру идеясы жаңа сипатқа бөленіп отыр. Жібек жолының экономикалық белдеуі ШЫҰ, ЕАЭО және ЕО тұғырнамасын тиімді байланыстыра алады», – деп тоқталды Нұрсұлтан Назарбаев.
Еске сала кетелік, Елбасы ҚХР-ға екі күндік жұмыс сапарымен барды. Онда ҚР Президенті Бейжіңде «Бір белдеу, бір жол» бағдарламасы аясында халықаралық ынтымақтастықты нығайту мақсатында жоғары деңгейдегі форумға қатысуда. Оған 29 мемлекеттің президенттері мен үкімет басшылары, сондай-ақ БҰҰ, Дүниежүзілік банк пен Халықаралық валюта қорының өкілдері қатысуда.