Әнші Алтынай Жорабаева мемлекеттік бағдарламаның бренд-амбассадоры болып жарияланды, деп хабарлайды Today.kz “Қазтелерадио” АҚ баспасөз қызметіне сілтеме жасап.
“Аналогтық телевизиядан цифрлыққа (ЦЭТВ) өту жөніндегі мемлекеттік бағдарламасы ҚР еңбек сіңірген қайраткері Алтынай Жорабаеваны жобаның бренд-амбассадоры етіп жариялайды. Белгілі әнші халықты Қазақстанда цифрлық хабар таратуға көшудің қажеттілігін түсіндіру үдерісіне белсенді түрде қатысады”, – делінген хабарламада.
https://kaz.365info.kz/bari-zhygirip-ketti-nazarbaev-altynaj-zhorabaevanyn-kholyn-aldy-video-293531
Қазақстанның белгілі әншісі қазіргі Түркістан облысының тумасы болып табылады. Маңғыстау, Жамбыл және Түркістан облыстары осы жылдың қазаны мен желтоқсанында аналогтық хабар таратуды тоқтатып, цифрлыққа өтетін алғашқы аймақтардың қатарында болады.
Алтынай Жорабаева – Қазақстан эстрадасының белгілі жұлдызы, ҚР еңбек сіңірген қайраткері, “Құрмет” орденінің иегері. Яссауи атындағы Халықаралық қазақ-түрік университетінде білім алған. Төрт баланың анасы.