Елбасы Иран елі өкілімен ислам әлеміндегі жағдайды талқылады

9 маусым 2017, 16:02

Мемлекет басшысы кездесуде Сыртқы істер министрінің орынбасарына Шанхай ынтымақтастық ұйымына мүше мемлекеттер басшыларының кеңесіне және “ЭКСПО-2017” халықаралық көрмесінің ашылуына қатысуға келгені үшін алғыс айтты. Нұрсұлтан Назарбаев Иранда өткен сайлауда қазіргі Президент Хосейн Руханидің жеңіске жеткені туралы хабарды ризашылықпен қабылдағанын атап өтті.

Иран Ислам Республикасының сыртқы істер министрінің орынбасары Қазақстан Президентіне қонақжайлық көрсеткені үшін ризашылығын білдірді.

“Елдеріміз арасындағы қарым-қатынастар жоғары деңгейде. Сіздің және Иран Президентінің өзара сапарларыңыздың арқасында олар қарқынды дамуда”, – деді Рахимпур. Сондай-ақ, Рахимпур Қазақстанның БҰҰ Қауіпсіздік Кеңесінің тұрақты емес мүшесі болып сайлануымен құттықтады.