Елбасы Денис Теннің ісіне қатысты бас прокурор мен ішкі істер министріне тапсырма берді
Қазақстан президенті Нұрсұлтан Назарбаев Денис Теннің қазасына байланысты бас прокурор мен ішкі істер министріне тапсырма берді.
Бұл туралы Ақорданың баспасөз қызметі хабарлады.
“Мемлекет басшысы бас прокурор Қайрат Қожамжаров пен ішкі істер министрі Қалмұханбет Қасымовқа ҚР еңбек сіңірген спорт шебері Денис Теннің өліміне қатысты істі ерекше бақылауға алуды, сондай-ақ оның жіті және объективті тергелуін қамтамасыз етуді тапсырды. Президент әкімшілігінің басшылығына тергеу барысын тұрақты бақылауда ұстау тапсырылды”, — делінген хабарламада.
Полиция спортшыны өлтірді деген күдікпен 24 жастағы Нұралы Қиясовты ұстады. Ол кінәсін мойындады. Қазіргі уақытта екінші күдікті – Қызылорда облысының 24 жастағы тумасы Арман Құдайбергенов іздестіріліп жатыр.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе