ЭКО: мемлекет ақшасына 1 216 сәби дүниеге келген
Қазақстанда 2010 жылдан бері жасанды ұрықтандыру жолымен 1 216 сәби дүниеге келген.
Бұл туралы ҚР Денсаулық сақтау және әлеуметтік даму министрлігі хабарлады.
2010 жылдан бері Қазақстанда ЭКО бағдарламасы бойынша 3 981 адам тегін медициналық көмек шеңберінде қаржыландырылған.
Елімізде осы технологияның көмекші әдістерімен 50 мың отбасылық жұп емделіп көрген.
“Емдеу тиімділігі 15 пайыздан 43 пайызға артты. Бедеу отбасыларда 12 мың бала дүниеге келген. 2010 жылдан бастап ЭКО бағдарламасына бюджет ақша бөле бастады. Осындай жеңілдікке ие болған отбасылар арнайы таңдалып алынған 2 мемлекеттік және 3 жекеменшік емханаға көріне алады„ дейді министрліктегілер.
Алғаш рет Қазақстанға жасанды жолмен ұрықтандыру технологиясын Жапония мамандары әкеліп, көрсетіп берген.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе