Екінші деңгейлі тұрғын үй құны жаңа тұрғын үйлерге қарағанда екі есе тез өсуде

Жаңа үйлердегі бағаның өсу қарқыны наурыздағы мәнінен жоғары болды (ол кезде 0,5% болған). Алайда, жылдың басында олар одан да жоғары болды: қаңтарда – 3%, ақпанда – 1,2%. 2021 жылдың 4 айында жаңа тұрғын үйдің шаршы метрінің құны 5,5%-ға, соңғы 12 айда 9,2%-ға өсті.

Қала трендінде

Сәуір айында алты ірі қалада бағалар өсті:

• Көкшетауда тұрғын үйдің шаршы метрінің құны жыл басынан бері үшінші рет –сәуірде 2,7%-ға өсті
• Қостанайда өсім 2,2%-ды құрады (“шаршы метр” қатарынан төртінші ай қымбаттауда)
• Нұр-Сұлтанда – 1,7% (бесінші ай қатарынан өсуде)
• Алматыда – 0,6% (бағалар төрт айда үшінші рет өсуде)
• Ақтауда – 0,5% (төртінші ай өсуде)
• Атырауда – 0,5% (жыл басынан бері үшінші рет)

Өзгешеліктер де бар: Өскеменде жаңа тұрғын үйдің шаршы метрінің орташа құны сәуір айында 7,2%-ға төмендеді. Қазақстанның бір де бір қаласында соңғы төрт жылда бағаның ай сайынғы төмендеуі соншалықты байқалған жоқ (2017 жылғы мамырда Павлодардың жаңа құрылыстары 14,4%-ға “төмендеді”).

Екінші деңгейлі үйлердің бағасы қатты өседі, бірақ қарқыны бәсеңдейді

Екінші деңгейлі нарықта бағаның өсуі жаңа тұрғын үйге қарағанда жоғары болды. Сәуір айында бір шаршы метрдің құны республика бойынша орта есеппен 1,7%-ға өсті. Көрсеткіштің мәні жоғары болуына қарамастан, ол соңғы бес айда ең төмен болып табылады – 2020 жылғы желтоқсаннан бастап бағалар қазіргіге қарағанда әлдеқайда тез өсті. Сонымен қатар, өсу қарқыны қатарынан үшінші ай төмендеуде, және бұл трендтің біртіндеп бәсеңдейтінін көрсетеді.

Жыл басынан бері республика бойынша орта есеппен екінші деңгейлі тұрғын үй бағасы 12,3%-ға, соңғы 12 айда – 24,3%-ға қымбаттады. Нақты цифрлармен көрсетсек, бұл:

• сәуір айында республика бойынша екінші деңгейлі тұрғын үйлердің бағасы бір шаршы метр үшін 4,4 мың теңгеге қымбаттап, 261,8 мың теңгені құрады.

• жыл басынан бері бағаның өсуі 33,6 мың теңгені құрады
• 12 айда – 55,7 мың теңге болды.

Екінші деңгейлі тұрғын үйдің жаппай өсуі

Сәуір айында екінші деңгейлі тұрғын үй бағасының өсуі 15 ірі қалада байқалды. Тек Ақтау, Орал және Тараз қалаларында ғана екінші деңгейлі нарықтағы шаршы метрдің құны өзгерген жоқ. Ең үлкен қымбаттау Түркістанда – сәуірде қайта сату кезінде “шаршы метрдің” орташа құны 5,3%-ға өсті. Көкшетауда өсім 3,5%, Өскеменде – 3%. Тағы 8 облыс орталығында ол 1%-дан асты.

Сонымен қатар, республиканың ірі қалаларында бағаның өсуі салыстырмалы түрде төмен болды. Алматыда екінші деңгейлі тұрғын үй 0,5%-ға (бұл қатарынан 5-айға созылуда), Нұр-сұлтанда – 0,9%-ға (қатарынан 9-шы ай) қымбаттады.

Айтпақшы, тұрғын үй құнының өсуі сұраныстың өсуі байланысты орын алуда. Сәуірде 59,7 мың сатып алу-сату мәмілелері жасалды, бұл 2019 жылдың басынан бергі ең жоғары көрсеткіш болып табылады. Төрт айдың ішінде тұрғын үйді сатып алу саны 175 мыңды құрады, бұл 2020 жылғы қаңтар-сәуірдегі көрсеткіштерден 2,5 есе көп.