Псков облысы Невель қаласындағы Кеңес Одағының Батыры Мәншүк Мәметова ескерткішін қорлау оқиғасына байланысты мән-жайды ресейлік құзырлы орындар анықтады.
Бұл туралы Ресейдегі ҚР елшілігінің баспасөз қызметі хабарлады.
Ескерткіш орналасқан өңір – РФ ІІМ Псков облысы бойынша басқармасының Санкт-Петербургтегі Қазақстан Республикасының Бас консульдығына берген түсініктемесінде келтірілген дерекке сүйенсек,
әлеуметтік желіде жүрген бұл видео екі жыл бұрын түсірілген екен. Қаскөйдің кім екендігі де анықталды. Ол бұрын сотталған Невель ауданындағы Леоново елді-мекенінің тұрғыны болып шықты.
1997 жылы туған Сергей Репов бүгін де Невельде тұрады екен.
С.Репов жазбаша берген түсініктемесінде Мәншүк Мәметова ескерткішінің маңынан өтіп бара жатып, өзінің досы Илья Кубановтан суретке түсіруді сұраған. Ол болса бұл роликті «Вконтактедегі» өз парақшасына салған. Бұл факті тіркеліп, Ресей ІІМ МБ «Невельский» учаскелік полициясы қарап жатыр.
Еске сала кетсек, Интернетте Псков облысындағы Невель қаласында екі жасөспірімнің Мәншүк Мәметованың ескерткішін қорлағаны жайлы видео тарап кеткен еді. Жасөспірімдердің бірі фотоға түсу үшін ескерткішке шыққан, ал екіншісі бұл жағдайды видеоға түсірген.
https://www.youtube.com/watch?v=k3nMVoSTihc