Дін министрі мешітте аяқ-киімімен жүргенін мойындамай қойды (видео)
“Мешітте аяқ киімін шешпей жүр” деп сынға қалған Дін істері және азаматтық қоғам министрі тағылған айыптардың бәрі жалған деп отыр.
Бұл туралы 31 арна хабарлайды.
Нұрлан Ермекбаев сол себепті мұндай ақпараттарды құлағыма ілмеймін дейді.
“Ол – жалған ақпарат! Мен оған ешқандай да түсініктеме бергім де келмейді. Жалған сөздерге түсініктеме бермеймін мен. Мен ондай суреттерді көрген жоқпын. Ондай мақаланы немесе комментарийді оқыған да жоқпын. Оған уақытым жоқ”, – деді министр Ермекбаев.
Бір қарағанда мүфти бастаған діни қызметкерлермен бірге жүрген сәт бейнеленген сияқты. Алайда, желі қолданушылары министрдің аяқ киімін шешпегенін айтып, жарыса жазып жатты. Біреулері, қасындағы кісілердікіндей арнайы мешіт ішінде киетін кебіс деп араша түспек болды. Шенеунікті сынаушылар болса, ондай кебістердің артқы жағы жоқ болғандықтан, аяғы көтерілгенде табаны салбырап тұруы керек еді деген уәждерін алға тартты.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе