Димаш Құдайберген Лондондағы жеке концертінде ән шырқаған ақтөбелік оқушыға сәттілік тіледі.
«Димаш ағамен бір сахнада әрі Indigo at the O2 концерт залында өнер көрсеттім. Мен бақыттымын. Дәл осындай бақ бұйырғаны үшін Аллаға сансыз мадақ. Кейін маған сеніп, мені қолдаған анам мен апама, Қанат, Света Айтбаевтарға алғыс айматын. Маған сеніп, қолдаған баршаға алғысым шексіз. Армандар орындалады, сену керек», – деп жазды жас талант Нарғыз Жанұзақова.
Ол Лондон сахнасында «Елімнің жүрегі – Астана» әнін орындады.
Жас әншінің лебізіне Димаш Құдайберген де жауап жазды.
«Жарайсың, балапан! Өте керемет орындап шықтың! Болашақта «менің концертіме әлемдегі №1 әнші Нарғыз қатысқан еді кезінде» деп мақтанып отырармыз», – деді Димаш Құдайберген.