Тәжікстанның тәуелсіз БАҚ ассоциациясы мен БАҚ жөніндегі Кеңесі «Нигох» басылымының жабылуына алаңдаушылығын білдіріп, «тәжік қоғамындағы еркін ойды жеткізу алаңы тарылып бара жатыр» деп дабыл қақты.
Тәжікстанның тәуелсіз БАҚ ассоциациясының төрағасы Нуриддин Каршибаев екі медиа ұйымның мәлімдемесін елдегі барлық БАҚ-қа жібергенін, оған билік назар аударады деп үміттенетінін жеткізді.
«Газет шыққан он жыл ішінде «Нигох» баламалы ақпарат беруге тырысты. Газеттің тәуелсіз болу жөніндегі редакциялық саясаты ұлттық заңдармен кепілдік берілген. Бірақ соған қарамастан газет журналистерін осы уақытқа дейін қорқытқан, іздеріне түсіп, жұмыстарына кедергі келтірген оқиғалар тіркелді. Биліктің газетті жабуы елдің саяси беделіне нұсқан келтіреді», – делінген ұйымдардың таратқан мәлімдемесінде.
«Индем» қорының басшылығы, «Нигох» қоғамдық-саяси газетінің құрылтайшысы 2 қарашада тиісті жағдайдың жоқтығына байланысты газеттің шығарылымы тоқтайды деп мәлімдеді. «Нигох» газетінің негізін қалаушы Сайидмухиддин Дустмухаммидиён Facebook-тегі парақшасына басылымның 2014 жылы 2,5 айға жабылғанын жазды.