Түркіменстанның мемлекеттік баспасөзінің хабарлауынша, президент Гурбангұлы Бердымұхамедов 828 сотталушыға рақымшылық берді. Рақымшылық 19 ақпан – Мемлекеттік байрақ күніне орай жарияланды.
Хабарларға қарағанда, рақымшылық туралы жарлыққа Бердымұхамедов 12 ақпанда қол қойған. Елдің бұған дейінгі президенті Сапармұрат Ниязов осындай жарлықты жыл сайын мұсылмандардың қасиетті Рамазан айында қабылдайтын.
Өткен жылы желтоқсан айында Нейтралитет күні жарияланған рақымшылық акциясынан 560 адам босап шықты. Мұндай рақымшылықтар әдетте саяси тұтқындарға жүрмейді.