Депутат 10 сотық жерге қатысты жағдайды халыққа түсіндіру керек екендігін айтты
Мәжіліс депутаты Омархан Өксікбаевтың айтуынша, билік 10 сотық жерге қатысты жағдайды талдап, халыққа түсіндіруі керек.
Бұл туралы Sputnik.kz хабарлады.
“Күрделі мәселенің бірі — 10 сотық жер. Біз қазір осы мәселені түбегейлі шешуіміз керек. Менің ойымша, оның бір шегі де болуы қажет, ұрпақтан-ұрпаққа жалғаса алмайды. Бүкіл жердің инфрақұрылымын қамтамасыз ету мүмкін емес. Осыны салмақтап, талдап, үкімет айту керек. Қай жерде тоқтауымыз керек, қай уақытқа дейін бұл бағдарламаны жасауға тиіспіз. Өйткені бүгін барлығына 10 сотық тиесілі дедік. Ал сол тиесілі жерін бере алмаймыз”, — деді депутат “Нұрлы жер” бағдарламасының жүзеге асырылу барысы талқыланған отырыста.
“Сондықтан осыны талдап, халыққа жеткізу керек. Өйткені, бәрін алдап қоя алмаймыз, ертең үкіметке, билікке сенім жоғалады. Өкілетті орган осы мәселені зерттеп, шындықты айтуы керек деп ойлаймын”, — деп түйді сөзін Өксікбаев.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе