Данияр Елеусінов әйелінің тұмшаланып жүретінін сынайтындарға жауап берді

“Ешқашан біздің қыздарымыз ашық-шашық жүрмеген. Қазақ қызын ерте 14-15 жастарында күйеуге берген, ал тұрмыс құрған әйел орамал тартқан. Ол жайдан-жай емес, некедегі әйел дегенді білдірген. Біз Құранды қабылдағаннан кейін, оның шарттарын да қабылдап, орындауымыз керек қой. Осы «Оранады, өйтеді, бүйтеді, сөйтеді…» деген адамдардың арасынан өзінің ата-дәстүрін ұстанып жүргендердің біреуін көрген жоқпын. Сөздің шыны керек, сол сынға алатындардың өздері ата-дәстүрді ұстамайды. Дәстүрді ұстап, қазақи киініп жүрсе мен де келісер ме едім..? Сондықтан мені олар сынауға тиісті емес деп есептеймін. Менің әйелім ашуға болмайтын жерлерін жауып жүр. Әрине әркімнің өз пікірі бар. Бірақ қазақ қыздарының ашық-шашық жүрмегенін нақты білемін”, – дейді ол.

Данияр сонымен қатар кезінде ел арасында желдей ескен көркем гимнастшы Анна Алябьева ара-қатынасы туралы да сұраққа жауап берді.

“-(Күліп) Аннамен біз жақсы доспыз. Ол кезде де дос болатынбыз. Екеумізге әке-шешеміз қарсы болды деген рас нәрсе емес, шындыққа жанаспайды. Енді ол кезде жаспыз, бәлкім балалықпен болса болған шығар. Бірақ достықтан аттап кеттік деп айта алмаймын”, – деп ойын түйіндеді боксшы. 

Дереккөз: Nur.kz