«Даму» қоры жыл басынан 115 мың адамға қызмет көрсеткен
60 мыңға жуық кәсіпкерге қызмет көрсетіп, 27 мың адамға жұмыс табу – бизнес өкілдерін қолдайтын «Даму» қоры жоспарының бір парасы. Еңбек өнімділігін арттыру үшін тиімді жобаларды қолға алған орталық ашық есік күнін жариялады.
Бұл туралы khabar.kz хабарлайды.
Көлігі көп елордада техникалық қызмет көрсету орталығына сұраныс болатынын Марат Назаров бірден түсінген. Мынадай көшпелі станция мобильдерін ашқанына аз ғана уақыт болды. «Даму» қорына келіп, заңды үйреніп, бизнес жүргізуде кеңес алған ол бүгінде ісі өрге басқанына қуанышты.
-Бизнесті ашқаннан кейін де табысын әлі көре қоймаған, бизнесті енді ашқан кәсіпкерлерге тегін қызмет көрсеткендері жақсы екен.
Бүгін ел бойынша қор филиалдарында ашық есік күні өтіп, басшылар қызмет көрсетті. Олар халыққа қандай қызмет қажет екенін білгісі келеді. Күнкөріс қамын бизнестен іздегендер заңгерлер мен есепшілерге көп жүгінеді екен. Экспорт-импорт, кедендік заңнамалар жайлы сұрайтындар көп.
Қаныш Төлеушин, «Даму» қорының басқарма төрағасы:
-2006-2012 жылдан бастап, қазірге дейін біз 500 мыңнан астам қызмет көрсеттік. Даму-Оптима, Даму-блиц, факторинг, франчайзинг секілді бағдарламаларды ұсындық. Бүгінде кәсіпкерлерге қызмет көрсету орталықтары «Жаңа бизнесті ашуға қолдау көрсету» оқу жобасын жүзеге асыруда.
Жыл басынан 115 мың адамға көмектескен қор 114 мың жанға бизнес саласында дәріс беріпті. Биыл 6 500 кәсіпкерге 250 млрд теңге несие берілмек. 1,5 мыңы субсидия алған.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе