Бүгін таңертең ҚР Қорғаныс министрі Нұрлан Ермекбаевтың бұйрығы бойынша Қарулы Күштердің әскери бөлімдері мен құрамалары оқу-жаттығу дабылы бойынша көтерілді.
Селекторлық режимде кеңес өткізіліп, оның барысында «Шығыс» және «Оңтүстік» өңірлік қолбасшылықтарының, Десанттық-шабуылдау әскерлерінің бірқатар әскери бөлімдеріне Қазақстанның батыс өңіріне топтасу тапсырмасы берілді.
Әскерлер батыс аймаққа жаяу және теміржол көлігімен, сондай-ақ әскери-көлік авиациясының ұшақтарымен аттанды.
Ал «Батыс» өңірлік қолбасшылығы әскерлерінің қолбасшысына әскерлерді оқу-жаттығу өтетін орынға орналастыру және оқу-жауынгерлік тапсырмаларды орындау үшін «Шығыс» және «Оңтүстік» өңірлік қолбасшылықтарының, Десанттық-шабуылдау әскерлерінің келіп жатқан бөлімдері мен бөлімшелерін ескере отырып, топтарды құру тапсырмасы жүктелді.
Майдандық және шабуылдау авиациясы – әуе айлақтарда, ал әскери авиация далалық тікұшақ айлақтарында шоғырланды. Әскери-теңіз күштерінің топтамасы ҚР ҰҚК Шекара қызметінің кемелерімен және катерлерімен күшейтілді.
Сонымен қатар, шалғайдағы шекара заставалары жалпыәскери бөлімшелермен күшейтілді.
Оқу-жаттығуға Құрлық әскерлерінің, Әуе қорғанысы күштерінің, Әскери-теңіз күштерінің, Арнайы операциялар күштерінің, арнайы әскерлердің, материалдық-техникалық қамтамсыз ету бөлімдері мен мекемелерінің, ҰҚК Шекара қызметі бөлімшелерінің, ҚР ІІМ Төтенше жағдайлар комитеті және Ұлттық ұланның 5 мыңнан астам әскери қызметшісі қатысуда.
Айта кетелік, Батыс-2018″ штабтық-командалық жаттығулардың стратегиясымен қорғаныс министрлігінің бірінші орынбасары Мұрат Майкеев айналысады.