БЖЗҚ алдындағы қарызы үшін қазақстандық азамат Лондондағы үйінен айырылуы мүмкін
БЖЗҚ алдындағы борышын өтемеген қазақстандық азамат Лондондағы үйінен айырылуы мүмкін, деп хабарлайды ҚазАқпарат
«Естеріңізде болса, бұл Эмитент («Қазақстан Кағазы») Лондондағы сотта бұрынғы акционерлеріне қарсы сотта жеңіп шыққан болатын. Берілген сома 315 млн АҚШ долларын құрады. Эмитент негізгі жауап беруші – Мақсат Әріптің бұғатталған 112 млн АҚШ долларынан бөлек Лондонда құны 25 млн доллар болатын 6 нысанды тапты. Бұл жылжымайтын мүліктің иесі кипрлік компания болып шықты. Мүлік сенімді басқаруға берілген», – деді БЖЗҚ заң департаментінің директоры Назым Бақтыбаев.
2017 жылдың желтоқсанында «Қазақстан қағазы» АҚ эмитенті бойынша оңалту шаралары тоқтатылып, банкроттық процедурасы жасалған. Бұл шарамен келіспеген Қор басшылығы ҚР Жоғарғы сотына арыз түсірген болатын. Биыл шілдеде Жоғарғы сот мұның алдында шыққан сот актілерін қайта қарау туралы қаулы шығарды.
Енді бұл мәселе ҚР Жоғарғы сотының азаматтық коллегиясында 22 тамызда қаралатын болады.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе