Нұр-Сұлтан
Қазір
-18
Ертең
-3
USD
420
0.00
EUR
511
0.00
RUB
5.63
0.00

БҰҰ Қауіпсіздік Кеңесі Азов теңізіндегі жанжалға байланысты шұғыл жиналыс өткізеді

129

Бұл туралы Twitter’дe АҚШ-тың БҰҰ-дағы тұрақты өкілі Никки Хейли мәлімдеді.

Жиналыс Украина мен Ресей тараптарының ұсыныстары негізінде өтеді. Мәскеу Азов теңізіндегі жағдайдың шиеленісуіне байланысты шұғыл жиын өткізуді сұраған. Киев Ресей тарапының агрессивті әрекетіне наразылық танытқан. “Агрессордың мұндай бассыздығын бірге жұмылып қана тоқтатуға болады”, — деп жазды Twitter’дe Украинаның БҰҰ-дағы тұрақты өкілі Владимир Ельченко.

Азов теңізіндегі жағдай 25 қарашада күрт шиеленісіп кетті. Украинаның хабарлауынша, Украина Қарулы күштерінің үш кемесі Керчь бұғазында қару қолдану арқылы ұсталған.

Украиналық алты теңізші жараланған. Ресей Федералдық қауіпсіздік кеңесі Украина кемелері Ресей шекарасын бұзғаны үшін Қара теңізде ұсталғанын, сол үшін қару қолданылғанын хабарлаған.

Украина Жоғарғы Радасы дүйсенбі, 26 қарашада елде әскери жағдай енгізу-енгізбеу мәселесін талқылайды. Осындай шешімді Украина Ұлттық қауіпсіздік кеңесі қабылдады.

Дүйсенбіге қараған түнде Киевте Ресей дипломатиялық нөмірі бар автокөлік жанып кетті. Көлік дипломатиялық миссия ғимаратына жақын маңда тұрған. Бұның алдында Ресейдің Киевтегі елшілігіне түтін шығаратын шашкалар лақтырған.

Серіктестер жаңалықтары
© «365 Info», 2014–2021 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз