“Бұлай болмайды дедік”. Жүргізушілерге салынатын айыппұл сомасы қысқарады
Қазақстанда әкімшілік құқық бұзушылықтың 14 құрамы бойынша айыппұл сомасы төмендеуі мүмкін.
Бұл туралы Сенаттағы үкімет сағатында ҚР Ішкі істер министрі Қалмұханбет Қасымов айтты, – деп хабарлайды Tengrinews.kz.
“Әкімшілік заңнаманы ізгілендіру мақсатында біз өзіміздің құқық қолдану тәжірибемізді қайта мұқият қарап шығып, әкімшілік құқық бұзушылықтың 14 құрамы бойынша айыппұл сомасын қысқарту туралы шешімге келдік”, – деді министр.
мұнда жол қозғалысы ережелерін өрескел бұзатындар туралы айтылып тұрған жоқ.
“Мысалы, көлікпен тоқтап және оны тұраққа қою кезінде салынатын айыппұл көлемін азайту ұсынылып отыр. Ал фараны міндетті түрде қосып жүру туралы талаптарға келетін болсақ, ол әрекет алғаш рет жасалса, тек ескерту айту ұсынылады”, – деді Қасымов.
Сондай-ақ, министр 2017 жылдың алғашқы үш айында жол-көлік оқиғаларының 13,2 процентке азайғанын, жол апатынан қаза тапқандардың саны 27,2 процентке және зардап шеккендердің саны 10,4 процентке азайғанын айтып өтті.
Қасымовтың айтуынша, соңғы жылдары жол апаттарының саны бірінші кезекте әкімшілік шараларды күшейткендіктен қысқарған.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе