18+
Нұр-Сұлтан
Қазір
17
Ертең
11
USD
383.43
-0.62
EUR
429.83
-2.96
RUB
5.96
0.00

«Бұл менің соңғы байқауым» — Димаш Құдайберген америкалық байқауға қатысатынын хабарлады

Димаш Құдайберген соңғы кездері жиі айтылып, бірақ нақтыланбай жүрген алып-қашпа сөздерге нүкте қойды. Ол Америка таланттар шоуына қатысады және бұл оның соңғы қатысатын байқауы болмақ.

Бұл туралы әнші өз парақшасында жазды.

«Бәрін басынан бастау… Бірақ қажет пе? Өйткені жеңілгісі келмейтін адам жеңіске жете алмайды. Сәті келген сияқты. 3 ақпан. Америка. CBS арнасында жаңа шоу. Бұл мен қатысатын соңғы байқау болмақ» — деп жазды әнші.

Димаш Құдайбергенов қатысатын шоу The World’s Best («Әлемнің үздіктері») деп аталады. CBS арнасынан биыл тұңғыш рет ұсынылып отыр. Шоуда әлемнің түкпір-түкпірінен келген әртістер өз өнерін көрсетеді. Олар шоу-бизнестің әр саласынан жиналған 50 сарапшының көңілінен шығып, екінші турға өтуге талпынады.