“Бұл қызық болды ғой”. Людмила Путинаның қазіргі күйеуі кім?
Ресей президенті Владимир Путиннің бұрынғы әйелі Людмила қамқорлық ететін “Тұлғааралық байланысты дамыту орталығы” қоғамдық қорына Мәскеу бюджетінен 250 миллион рубль (шамамен 4 млн 293 мың АҚШ доллары) бөлінген.
Бұл жөнінде “Дождь” телеканалы хабарлайды. Қоғамдық қорға ақша бөлу жөніндегі жарлыққа Мәскеу мэрі Сергей Собянин 2015 жылы қол қойған.
“Дождь” телеканалының мәліметі бойынша, қорды “Мәскеу тұрғындарына әлеуметтік көмек” бағдарламасы аясында қаржыландырады. Өткен жылы ұйымға 62 миллион рубль бөлінген. 2017 жылы да дәл осындай сома бөлу қарастырылған. Қорға алдағы екі жылда да қаржылай көмек берілмек.
Қорды Артур Очеретный басқарады. БАҚ-тың жазуынша, ол Людмила Путинаның қазіргі күйеуі.
“Дождь” телеканалы қорға Волконский үйі деп аталатын Воздвиженка көшесіндегі зәулім үй тиесілі екенін айтады. Қоғамдық қор бұл ғимаратты “Меридиан” компаниясына жалға береді екен. Бұл компания “Интерьерсервис” фирмасына тиесілі. Ал бұл компанияны Людмила Шкребнева (Ресей президентінің бұрынғы әйелінің қыз кезіндегі тегі) иелік етеді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе