Болгарияда журналист Виктория Маринованы өлтірді деген күдікті ұсталды

Маринова TVN аймақтық каналының директоры әрі тележүргізушісі болған. Ол сонымен бірге бірнеше коррупциялы іске қатысты зерттеу жүргізген. 30 жастағы журналистің денесі саябақта табылған. Полицияның айтуынша, оны өлтірер алдында аяусыз ұрып-соғып, зорлаған.

Politico басылымы Виктория әріптестерімен бірге Еуропалық одақтың инфрақұрылымға деп Болгарияға бөлген қаражаттың қайда жұмсалғанын зерттеген. Журналистер қаржының 30- 40 пайызы жеке қалтаға не пара ретінде жұмсалғанын анықтаған. Зерттеу құжатында “Лукойлдың” еншілес компаниясының басшысы Валентин Златевтың да аты-жөні бар.