“Болды, босадың”. Әйгілі өзбек әртісі түрмеден шықты
31 қазанда танымал өзбек театр және кино әртісі Матякуб Матчонов сот залынан рақымшылықпен босатылды. Елде рақымшылық жариялау туралы бастаманы президент қызметін уақытша атқарушы Шавкат Мирзиёев көтерген болатын.
Өзбекстанның еңбек сіңірген әртісі Матякуб Матчоновқа қарсы бірқатар “экономикалық және қаржы қылмыстарын” жасады деген айыптар тағылған еді. Оны Өзбекстанның Ұлттық Қауіпсіздік Қызметінің қызметкерлері биыл 4 шілдеде ұстаған болатын.
60 жастағы әртіс әрі коммерсантқа сауда ережесін бұзғаны, салықтан жалтарғаны, қауіпсіздік талаптарына сай келмейтін тауарларды сақтау, өндіру және өткізу, қылмыстық жолмен келген табысты заңдастыру секілді бірқатар айыптар тағылды.
Әртіс есірткі саудасымен айналысқан деген ақпарат тараған еді, бірақ айыптама қорытындысында ол туралы ештеңе айтылмаған.
Матякуб Матчонов “Шайтанат”, “Темір еркек”, “Согдияна” және басқа да фильмдерімен танымал болды.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз