31 қазанда танымал өзбек театр және кино әртісі Матякуб Матчонов сот залынан рақымшылықпен босатылды. Елде рақымшылық жариялау туралы бастаманы президент қызметін уақытша атқарушы Шавкат Мирзиёев көтерген болатын.
Өзбекстанның еңбек сіңірген әртісі Матякуб Матчоновқа қарсы бірқатар “экономикалық және қаржы қылмыстарын” жасады деген айыптар тағылған еді. Оны Өзбекстанның Ұлттық Қауіпсіздік Қызметінің қызметкерлері биыл 4 шілдеде ұстаған болатын.
Әртіс есірткі саудасымен айналысқан деген ақпарат тараған еді, бірақ айыптама қорытындысында ол туралы ештеңе айтылмаған.
Матякуб Матчонов “Шайтанат”, “Темір еркек”, “Согдияна” және басқа да фильмдерімен танымал болды.