Бойдақ жігіттерге қасақана ВИЧ жұқтырған жезөкше ұсталды
Тәжікстанның Шаартуз ауданы прокуратурасы кемінде он шақты ер адамға ВИЧ инфекциясын жұқтырған жезөкше әйелдің ісін сотқа жіберген.
Centralasian.org прокуратураға сілтеме жасап хабарлағандай, айыпталып отырған 30 жастағы әйелдің екі баласы бар. Күйеуімен ажырасқаннан кейін тәнін сатып, пайда тапқан. 2014 жылдан бері ВИЧ/СПИД-ке қарсы күрес орталығында есепте тұрады екен. Ол ВИЧ инфекциясын жұқтырғанына қарамастан, жыныстық қызмет көрсетуді жалғастыра берген.
Әйелмен кемінде 10 ер адам жыныстық байланыста болған. Бірақ олардың қаншасы ВИЧ инфекциясын жұқтырғаны жарты жылдан кейін анықталады екен.
ВИЧ/СПИД-ке қарсы күрес орталығының меңгерушісі Акрам Давлатов айыпталып отырған әйелден індетті басқа адамдарға жұқтырмау жөнінде қолхат алынғанын айтады.
“Біз есепте тұрған әр адамнан жазбаша түрде қолхат аламыз”, — дейді ол.
Қазіргі кезде бір Шаартуз ауданында ВИЧ жұқтырған 90 адам есепте тұрады екен.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе