“Біз зомби болмаймыз!”. Еуропарламент ресейлік насихат туралы қарар қабылдады
Еуропарламент Ресей және “Ислам мемлекеті” экстремистік тобының одақ елдеріне бағытталған үгіт-насихатына қарсы тұру туралы қарар қабылдады.
Польшалық депутат Анна Эльжбет Фотыга ұсынған қарар жобасы бойынша, ресейлік билік RT телеарнасы және Sputnik агенттігі, сондай-ақ “Россотрудничества” және “Русский мир” қоры арқылы Еуропалық одақ аумағында насихат жұмыстарын жүргізіп, одақтың бірлігіне кері әсер етуді көздейді, шығыстағы көршілерін, әсіресе Украинаны негатив жағынан көрсету арқылы Еуропалық одақ тұрғындарына теріс пікір қалыптастырғысы келеді.
Қарарды 304 депутат қолдады, 179-ы қарсы шықты, тағы 208-і қалыс қалды.
Ресей президенті Владимир Путин Еуропарламент қарарын “саяси деградацияның айғағы” деп атап, RT және Sputnik қызметкерлерін “нәтижелі жұмысымен” құттықтады.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе